खैरहनीमा खिचरा महाेत्सव २०८० हुँदै : कला सँस्मृतिकाे सँरक्षण का साथै व्यापार प्रवर्द्धन हुने

 चितवन । खैरहनीमा ‘ नबाैँ खिचरा महाेत्सव – २०८०’ हुने भएकाे छ । यहि पुस २८ गतेबाट शुरु भै माघ १० गतेसम्म सञ्चालन हुने साे महाेत्सव सामाजिक सास्कृतिक तथा आर्थिक उत्सवकाे रुपमा लिइएकाे शनिबार आयाेजित पत्रकार सम्मेलनमा आयाेजकले जनाएको छ ।

२०७० सालमा खैरहनी स्थित सुल्तनाकाे चाैरबाट शुरुगरिएकाे ” खिचरा महाेत्सव ” २०८० सम्म आईपुग्दा यसकाे माध्यमबाट समाजका विभिन्न कला सँस्कृतिकाे विकासमा टेवा पुर्याउनुकाे छ भने थारु समुदायको कला ,सँस्कृति, भेषभुषा प्रवर्द्धनमा टेवा पुग्नुकाे साथै थारु परिकारकाे समेत प्रदर्शन भएकाे नवाैँ खिचरा महाेत्सव , २०८० का सँयाेजक रामेश्वर चाैधरीले बताए ।

करिव १ लाख ५० हजार दर्शकले मेला अवलोकन गर्नेअपेक्षा गरिएको साे महाेत्सवमा स्थानीय कलाकार तथा राष्ट्रिय कलाकारहरु द्वारा विभिन्न कला प्रस्तुत हुनुका साथै १ सय ५० वटा स्टलबाट शैक्षिक ,वित्तीय तथा दैनिकका सामानहरु विक्री तथा प्रदर्शन गरिने आयाेजकले जनाएको छ।