२०८०भाद्र २९,शुक्रबार
चितवन, कालिका। खुबै चर्चा बटुल्दै गरेकाे कालिका नगरपालिका स्थित पदमपुरमा जाेडताेडका साथ निर्माण हुदैगरेकाे चर्चित भवन भाईरल घर काे निर्माण कार्य विगत एक बर्ष देखि ठप्प भएकाे छ ।
पूर्खाैली घर गाेरखा भै शान्तिनगर पर्सा चितवनका राजेन्द्र उप्रेतीले बनाउन शुरुगरेकाे साे भिमकाय भवनकाे जाेडाईसम्मकाे कार्य सकिए पनि पलास्टर सहित अन्य सबै काम भने विगत एक बर्ष देखि राेकिएकाे छ।
‘ ठुलै उत्साहका साथ भवन बन्दै थियाे , स्थानीय मान्छेहरुले खुबै कामगर्थे तर एक बर्षदेखि काम ठप्प भएकाे छ ‘ उत्तर पट्टीकाे गेट अगाडि घर भएका कुलप्रसाद पाैडेल भन्नुहुन्छ – याे भवन बन्ने खबर पछि हामी गाउँलेहरु खुशी थियौँ । भवन बनेर व्यवसायीक रुप लिन थालेपछि गाउँमा चहलपहल बढ्नेछ व्यापार व्यवसायमा पनि थप सहयाेग हुने छ , पर्यटक गाउँमा भित्रने छन् भन्ने आशा थियाे, तर भवन विचमै राेकिदा हल्ला मात्रै भएकाे छ।
नमूनाकाे रुपमा बन्ने भनिएकाे साे भवन झट्ट हेर्दा बास्तवमै नमूना नै देखिन्छ । शुरुमा भन्दा त सँग्रहलय , हाेटल , म्यूजियम बन्ने भनिएकाे हाे तर खै किन राेकियाे थाहा भएन- कुलप्रसादले श्रीखबर अनलाइन सञ्चारसँग कुरा गर्दै भन्नुभयाे ” श्रीकृष्ण नामकाे बाेर्ड टाँसिएको थियाे अहिले कतागयाे खै , नामकाे वाेर्ड हेर्दा र भवनकाे बनावट हेर्दा साहेद धार्मिक स्थलकै रुपमा विकास गर्न खाेजेकाे जस्ताे देखिन्छ ।” एकै पटक ठुलाे लगानीमा जग्गा किने , तुरुन्तै यत्राे विशालकाे भवन बनाउन थालेकाेले कतै आर्थिक समस्या पर्याे कि जस्ताे छ – पाैड्लले भन्नुभयो ।
काठमाडौंमा” खुशी – खुशी ” हाेटल सन्चालन गर्दै आउनुभएका राजेन्द्र उप्रेतीले ” मल्टिप्रपाेज कम्प्लेक्स हुने जहाँ धार्मिक ,आर्थिक , सामाजिक , सास्कृतिक र व्यवसायीक रुपमा याे भवन कालिका नगरबासी र सिङ्गो चितवनकाे चिनारीकाे रुपमा स्थापित हुने याेजना रहेकाे र निर्माणकार्य पुन: सुचारु हुने बताईएकाे छ ।
