२०८० माघ २९, साेमबार
मीना अर्याल
काठमाडौं । गाेरखा घरभै हाल काठमाडौंमा बिभिन्न सञ्चार माध्यममा आबद्ध भइ पत्रकारिता गरिरहेका पत्रकारहरुको सस्था ‘ गोरखा पत्रकार समाज ‘ को पहिलो अधिवेशनले पत्रकार प्रदिपराज पन्तको नेतृत्वमा नयाँ चयन गरेको छ । वन्तको नेतृत्वमा ११ सदस्सीय कार्यसमिति चयन भएका छन् ।
निर्वाचित हुनेहरुमा उपाध्यक्ष देवराज गुरुङ, महिला उपाध्यक्षमा मञ्जिमा ढकाल, सचिवमा शोबिता रिसाल, सहसचिवमा सन्तोष अधिकारी तथा कोषाध्यक्षमा अर्जुन पन्त निर्वाचित भएका छन् भने सुदिप कैनी, लिलाधर कोइराला, राधा रोकाहा, उत्सव वि.क तथा मोहसिन अलि मिया कार्य समितिका सदस्य भएका छन् ।
नव निर्वाचित कार्यसमितिको बैठकले बरिष्ठ पत्रकारहरु रामजी दाहाल, खीलाबहादुर भण्डारी तथा सुशील अर्याललाई समाजको सल्लाहकारमा नियुक्त गर्ने निर्णय पनि गरेको छ ।
यस्तै बैठकले गोर्खाली पत्रकारहरुको क्षमता अभिबृद्धीका लागि गम्भिर रुपमा लाग्ने तथा गोरखाका सुन्दर पर्यटकीय क्षेत्रहरुको उजागर गर्नको लागि मद्धत गर्ने निर्णय पनि गरेको छ । गोरखा पत्रकार समाज गोरखाबाट काठमाडौं आएर बिभिन्न सञ्चार माध्यममा आबद्ध भइ पत्रकारिता गरिरहेकाहरुको सस्था हो ।
सस्था २०७७ सालमा दर्ता भएर क्रियाशिल रुपमा अघि बढिरहेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
