२०८१ बैशाख २३, आइतबार
प्रकाशबाबु खनाल/बागमती व्यूराे
चितवन। रत्ननगर नगरपालिकामा राजश्व सवलीकरण सम्बन्धि अभिमुखीकरण कार्यक्रम सम्पन्न भएको छ ।
राजश्व संकलनलाई प्रभावकारी बनाउन जनप्रतिनिधि र कर्मचारीको भूमिका बारेमा छलफल गर्न कार्यक्रमकाे आयाेजना गरिएको हो ।
छलफलकाे क्रममा नगरभित्रका सम्भावित करदाताको पहिचान र उनीहरुलाई करको दायरामा ल्याउन गर्नुपर्ने प्रयास , कर संकलनमा भएका कमजोरीको सुधारका विषयमा छलफल गरेर निकास निकाल्न कार्यक्रमकाेआयोजना गरिएको प्रमुख प्रशासकीय अधिकृत सुकदेव लम्सालले बताए ।दायरा बाहिर रहेकाहरुलाई करको दायरामा ल्याउन नगरपालिकाले खेल्नुपर्ने भूमिका र नीतिगत सुधारको विषयमा कार्यक्रम केन्द्रीत गरिएको उनको भनाई छ ।
सहजीकरण गरेको अलाना इन्टरनेशनल सर्भिसेस प्रा.लिका टिम लिडर विके महर्जनले राजश्व संकलनमा साझा अबधारण, राजश्व नीति,कानुन, कार्यविधिको समीक्षा र विश्लेषण, सम्पतीको बर्गीकरण तथा मुल्याङ्कन,छलफलमा गर्नुका साथै हालको स्रोत परिचालनको अबस्था, आर्थिक ऐन परिमार्जन लगायतका विषयमा सहजीकरण गरेका थिए ।
कार्यक्रममा नगरपालिकाका उपमेयर तथा राजश्व परामर्श समितिका संयोजक यादवप्रसाद पाठकले नगरभित्रका सम्भावित कददातालाई दायरामा ल्याउन नसकेका कारण लक्ष्य भेट्टाउन नसकिएको बताए । उपप्रमुख पाठकले भने `पालिकामा बार्षिक १५ करोड बढी राजश्व संकलन हुने सम्भावना हुँदाहुँदै पनि ठुलो संख्यामा करदातालाई दायरामा ल्याउन सकिएको छैन ।´
समापन मन्तव्य राख्दै प्रमुख प्रशासकीय अधिकृत लम्सालले अहिलेसम्मका कमजोरीलाई आत्मसाथ गरी कर प्रशासनलाई सुधार गरेर अगाडि बढाईने बताएका थिए ।
राजश्व शाखा प्रमुख धर्मराज अघिकारीले चालु आर्थिक बर्षमा १० महिनामा करिब साढे ८ करोड राजश्व संकलन भएको जानकारी दिए । १२ करोड लक्ष्य रहेको सो नगरपालिकालाई अबको दुई महिनामा साडे तीन करोड रुपैया संकलन गर्नुपर्ने दबाब रहेको छ ।
कार्यक्रममा वडाध्यक्ष, कार्यपालिका सदस्य र नगरपालिकाका शाखाप्रमुख तथा वडासचिवहरुको सहभागिता रहेको थियो ।
यो खबर पढेर तपाईलाई कस्तो महसुस भयो ?
+1
1
+1
+1
+1
+1