२०८३ जेष्ठ ३०, शुक्रबार
श्रीखबर/ भरतपुर अस्पतामा भीड व्यवस्थापनका लागि टिकट काट्ने र चिकित्सकले जाँच गर्ने सय थप गरेको छ । अस्पतालले बिहिबार एक विज्ञप्ती जारी गर्दै बहिरंग सेवा (ओपिडी)को टिकट काट्ने समय बिहान ८ बजेदेखि अपरान्ह ४ बजेसम्म चिकित्सकले जाँच गर्ने समय बिहान ९ बजेदेखि बेलुका ५ बजेसम्म तोकिएको हो ।
अस्पतालका प्रवक्ता सह-प्रा.डा रामप्रसाद सापकोटाका अनुसार बिरामी तथा सेवाग्राहीहरूको भीड व्यवस्थापन गरी स्वास्थ्य सेवा प्रवाहलाई थप सहज, छिटो र प्रभावकारी बनाउन अस्पतालले ओपिडी टिकट वितरण र सेवा समय विस्तार गरेको छ ।
सेवाग्राहीलाई बिहानको समयमा अत्यधिक भीड नगरी आफ्नो अनुकूल समयमा उपस्थित भई उपलब्ध सेवा सुविधाको सदुपयोग गर्न डा सापकोटाले अनुरोध गर्नुभयो ।
यस सेवाबाट सेवाग्राहीको प्रतीक्षा समय घट्ने, सेवा प्राप्ति सहज हुने तथा अस्पतालको सेवा व्यवस्थापनमा थप सहयोग पुग्ने अपेक्षा गरिएको सापकोटाले बताउनुभयो ।
