२०८३ बैशाख २५, शुक्रबार

श्रीखबर/चितवनको भरतपुर–११ स्थित आरम्भ कलेज ले पुनः उत्कृष्ट शैक्षिक नतिजा हासिल गर्दै जिल्लामै आफ्नो अलग पहिचान स्थापित गरेको छ।

त्रिभुवन विश्वविद्यालयबाट सम्बन्धन प्राप्त यस कलेजका विद्यार्थीहरूले BHM तथा BITM चौथो सेमेस्टर परीक्षामा उच्च SGPA ल्याउँदै जिल्ला टपर बन्न सफल भएका हुन्। BHM चौथो सेमेस्टरतर्फ सन्ध्या गोलेले ३.८८ SGPA ल्याउँदै जिल्ला प्रथम स्थान हासिल गरेकी छन्।

त्यसैगरी नेबिका मैनाली ३.८३ SGPA सहित दोस्रो तथा ङवाङ बामजान तामाङ ३.८० SGPA सहित तेस्रो स्थानमा सफल भएका छन्।

यस्तै BITM चौथो सेमेस्टरतर्फ ओजस्वी आचार्यले ३.८३ SGPA ल्याउँदै जिल्ला प्रथम बन्न सफल भएकी छन् भने अङ्गिता अधिकारी ३.८१ SGPA सहित दोस्रो र बिपल श्रेष्ठ ३.७४ SGPA सहित तेस्रो स्थान हासिल गर्न सफल भएका छन्।

कलेजले छोटो समयमै निरन्तर उत्कृष्ट नतिजा निकाल्दै चितवनमा गुणस्तरीय शिक्षाको केन्द्रका रूपमा आफूलाई स्थापित गरिरहेको जनाएको छ।

अनुभवी शिक्षक, व्यावहारिक शिक्षण प्रणाली, आधुनिक पूर्वाधार तथा विद्यार्थीमैत्री वातावरणका कारण विद्यार्थीहरूले उल्लेखनीय सफलता हासिल गर्न सकेको कलेजका प्रिन्सिपल सुरज शिवाकोटीले बताउनुभयो।

होटल म्यानेजमेन्ट तथा सूचना प्रविधि व्यवस्थापन क्षेत्रमा दक्ष जनशक्ति उत्पादन गर्दै आएको कलेजका विद्यार्थीहरूको पछिल्लो उपलब्धिले शैक्षिक गुणस्तर थप पुष्टि गरेको सरोकारवालाहरूको भनाइ छ।

पछिल्लो समय BHM, BITM जस्ता विषयमा विद्यार्थीकाे आकर्षण बढेकाे पाईएकाे छ।