२०८२ जेष्ठ २१, बुधबार
@ कृष्ण खनाल
चितवन। कालिका नगरपालिकाले आगामी आर्थिक वर्ष २०८२/०८३ का लागि नीति तथा कार्यक्रम र बजेट प्रस्तुत गर्नुपूर्व निवर्तमान मेयर,उपमेयर तथा वडा अध्यक्षहरुसँग छलफल सम्पन्न गरेकाे छ।
मेयर विनाेद रेग्मीको अध्यक्षतामा सम्पन्न छलफल कार्यक्रममा निवर्तमान मेयर तथा उपमेयरले आफ्ना कार्यकालकाे अनुभवसमेत प्रस्तुत गर्दै आगामी आर्थिक वर्षमा नगरपालिकाले अगाडि बढाउनुपर्ने नीति र बजेटकाे फ्रेमवर्क समेतका बारेमा सुझाव प्रस्तुत गरेका मेयर रेग्मीले बताउनुभयो । `वहाँहरुले आफ्नाे अनुभव पनि बताउनुभयो र कालिका नगरपालिकाले कस्तो नीति अवलम्बन गर्ने भन्नेबारेमा समेत हामीलाई दिशानिर्देश गर्नुभएकाे छ´- मेयर रेग्मीले भन्नुभयो ।
`हामी कालिका नगरपालिकालाई देशकै नमूना स्थानीय तह बनाउँन चाहन्छाैँ त्यसका लागि सबैकाे सल्लाह सुझाव र अपनत्व समेत खाेजिरहेकाे कारण अनुभवि व्यक्तित्व तथा वडाका अध्यक्षहरुसँग राय सल्लाह गर्नु महत्त्वपूर्ण भएकाेले आज हामीले महत्त्वपूर्ण विषयमा छलफल गर्याैँ ´ मेयर रेग्मीले भन्नुभयो ।
कालिका नगरपालिका बेरुजु कामगर्ने चितवनकै पहिलाे र देशकै दसौं उत्कृष्ट स्थानीय तहमा सूचिकृत पालिका हाे ।
उपमेयर बिमला तामाङ,वडाअध्यक्षहरु र कर्मचारीहरु बीच राम्रो एकता र विश्वास सृजना भएकै कारण र पारदर्शिता अवलम्बन गरेकै कारण कालिका नगरपालिकाले अपेक्षित सफलता प्राप्त गर्न सफल रहेकाे मेयर विनाेद रेग्मीले बताउनुभयो ।
