१ भाद्र २०८३, सोमबार

बागमती प्रदेशका मुख्यमन्त्री इन्द्रबहादुर बानियाँले राजीनामा दिएका छन् ।

बानियाँले राजीनामा दिनुअघि एक वर्षे कार्यकालमा सरकारले गरेका प्रमुख कामको २८ बुँदामा प्रगति प्रस्तुत गरेका छन्। नेकपा एमालेले गत साउन ६ गते सरकारलाई दिएको समर्थन फिर्ता लिएपछि मुख्यमन्त्री बानियाँ अल्पमतमा परेका थिए । त्यसपछि उनले ३० दिनभित्र प्रदेशसभाबाट विश्वासको मत लिनुपर्ने संवैधानिक व्यवस्थाअनुसार आज विश्वासको मत लिन खोजेका थिए।आज (सोमबार)को प्रदेशसभा बैठकमा विश्वासको मतको प्रस्ताव पेस गर्नेक्रममा सम्बोधन गर्दै  बानियाँले पदबाट राजीनामा घोषणा गरेका हुन्।

राप्रपाले कुनै पनि दललाई समर्थन नगर्ने निर्णय गरेपछि बानियाँले बहुमत जुटाउन सकेनन् । अन्ततः उनले मुख्यमन्त्री पदबाट राजीनामा दिएका हुन् ।