२०८२ चैत १, आइतबार
काठमाडौं । चैत दोस्रो साता भित्र बालेन शाहलाई प्रधानमन्त्री बनाउने तैयारी भैरहेकाे राष्ट्रिय स्वतन्त्र पार्टी श्राेतले बताएको छ।
आज चैत १ गतेसम्ममा प्रतिनिधि सभा सदस्य निर्वाचनको समानुपातिकतर्फ थ्रेसहोल्ड पार गरेका ६ दललाई समानुपातिकको नामावली पठाउन भनिएको छ । समानुपातिकतर्फ निर्वाचित हुने सदस्यले चैत ५ गतेसम्म निर्वाचितको प्रमाणपत्र पाउने छन् ।चैत ५ गते नै अन्तिम परिणाम राष्ट्रपतिलाई बुझाइने कार्यक्रम रहेकाे निर्वाचन आयाेगले जनाएको छ।
राष्ट्रपतिसमक्ष निर्वाचनको प्रतिवेदन पेस गरेसँगै उक्त जानकारी सङ्घीय संसदमा पठाउने छ । साँसदहरुलाई शपथको तयारीसँगै राजनीतिक दलहरूबाट सरकार गठनको प्रक्रिया समानान्तर रूपमा अगाडि बढ्ने छन् ।
संसद् सचिवालयले प्रतिनिधि सभा सदस्य नियमावलीको व्यवस्था अनुसार शपथका लागि ज्येष्ठ सदस्य निर्क्योल गर्ने छ । ज्येष्ठ सदस्यले राष्ट्रपतिबाट शपथ लिनेछन् भने जेष्ठबाट सदस्यहरूलाई पद तथा गोपनीयताको शपथ गराउने कानुनी व्यवस्था छ । सदस्यहरूको शपथ लगत्तै दलहरूले संसदीय दलको नेता चयन गर्ने छन् ।
निर्वाचनमा रास्वपाले एकल बहुमत प्राप्त गरेकाले नेपालको संविधानको धारा ७६ (१) बमोजिम सरकार गठनको प्रक्रिया सुरु हुने छ कानुनविदहरु बचाउँछन । साेहि व्यवस्था अनुसार दलको संसदीय दलको नेतालाई राष्ट्रपतिले प्रधानमन्त्रीमा नियुक्त गर्नुहुने छ ।
निर्वाचन आयोगले चैत ५ भित्रै अन्तिम प्रतिवेदन पेस गरेमा ढिलामा पनि चैत दोस्रो सातासम्म नयाँ प्रधानमन्त्री चयन प्रक्रियाले पूर्णता पाउने छ । – निर्वाचनको अन्तिम परिणाम पेस भई सार्वजनिक भएसँगै प्रधानमन्त्री नियुक्ति र संसद् अधिवेशन आह्वान हुने छ । –
संवैधानिक व्यवस्था अनुसार अन्तिम परिणाम सार्वजनिक भएको ३० दिनभित्र सङ्घीय संसद्को अधिवेशन आह्वान गर्नुपर्ने संवैधानिक व्यवस्था छ । प्रधानमन्त्री नियुक्तिका लागि समेत ३५ दिनको समयसीमा सुरु हुने छ ।
संविधानको धारा ७६ (१) बमोजिमको सरकारले विश्वासको मत लिनुपर्ने व्यवस्था गरिएको छैन । निर्वाचनमा रास्वपाले दुई तिहाई नजिकको जीत हासिल गरेको छ । निर्वाचन अघिनै पार्टीका बरिष्ठ नेता बालेन्द्र शाह (बालेन)लाई भावी प्रधानमन्त्रीको रुपमा अगाडि सारेर रास्वपानिर्वाचनमा गएको थियो ।
