# डा. निमेश, सर्वप्रथमत: भेटेरिनरी एसाेसिएसनकाे बागमती प्रदेशका लागि अध्यक्षकाे नेतृत्व समाल्न दिनुभएको उम्मेदवारी प्रति हार्दिक शुभकामना । याे सँस्था काे बारेमा आमनागरिकले बुझ्नेगरि केहि बताइदिनुस् न।
- सर्वप्रथमत: भेटेरिनरी एसाेसिएसनकाे बागमती प्रदेशमा यहि ३० गते नेतृत्वका लागि हुनगैरहेकाे निर्वाचनकाे महत्त्वकाे चासाे व्यक्त गर्नुभएकोमा तपाईं र श्रीखवर प्रति म र सँस्थाकाे तर्फबाट आभारी छाैँ । अब रह्याे सँस्थाकाे कुरा । हाे, चैत ३० गते एसाेसिएसनकाे बागमती प्रदेशका लागि निर्वाचन हुँदैछ । बागमती प्रदेश भित्र रहि यस सँस्थामा आवद्ध हुनुभएका भेटेरिनरी विधाबाट याेग्यता पुगेका डाक्टर साथीहरू याे निर्वाचन प्रकृयामा सामेल हुनुहुने छ ।
याे सँस्था पेशागत मर्यादा, सदस्यहरुकाे अधिकार र कर्तव्यकाे बाेध र पेशा तथा व्यवसायिक जिन्दगी आईपर्ने समस्या र अवसरका बीच सदस्य र आम नागरिककाे हितमा काम गर्ने सँस्था हाे ।
# निर्वाचनमा अध्यक्ष भएर सँस्था हाँक्ने दाैडमा हुनुहुन्छ, किन अध्यक्ष बन्ने चाहना बढेकाे ?
- ठिक ठाउँबाट छलफल चल्याे , धन्यवाद । याे सँस्थाकाे तीनबटा मुख्य भूमिका हुन्छ जस्ताे लाग्छ । एक त सँस्थाका सदस्य साथीहरूकाे सहभागीता, सँरक्षण, बृत्ति विकास नै हाे भने दाेश्राे कार्यक्षेत्रमा हामीले गर्ने क्रियाकलाप, व्यवहारबाट कसरी पेशा र व्यवसायलाई मर्यादित बनाउँदै लैजाने भन्ने हाे । तेश्राे र महत्त्वपूर्ण जिम्मेवारी भनेकाे पेशालाई मर्यादित बनाउँदै सदस्य साथीहरूकाे हक र हितका लागि राज्यसँग समन्वय गर्ने नै मुख्य कार्य हाे यहि जिम्मेवारीलाई सदस्य र आम नागरिकको हितमा कार्य गर्न नै मेराे अध्यक्ष भएर सँस्थालाई सवल बनाउने उद्देश्य हाे ।
# अनि अरु प्रतिस्पर्धि नी ?
* याे निर्वाचनकाे दाैरान हाे भने मेरा लागि अवसर पनि । पेशामा र अध्ययनमा आउनु अगाबै मेरा जिन्दगीले कर्मक्षेत्रमा भेटेरीनरीकर्मीले भाेगेका समस्या र कर्मक्षेत्रकाे बारेमा जानकार छु । अझ भनाैँ म त कर्मक्षेत्रमा काम गर्दागर्दै भेटेरिनरी डाक्टर र स्थापित पाल्ट्री व्यवसायीकाे परिवारमा जन्मेकाे र समस्या र अवसरसँग जुध्दै हुर्केकाे चिकित्सक हुँ । मैले समय र समाजलाई नजिकबाट हेरेदेखेकाे र भाेगेकाे छु । विभिन्न जिम्मेवारीमा रहेर अनुभवी भएकाे नाताले अब बागमती प्रदेशकाे नेतृत्व लिदै आम साथीहरूकाे हितमा कामगर्ने अवस्था बनेकाेले मैले अध्यक्षकाे उम्मेदवारी दिएकाे हुँ । सबै साथीहरू एक से एक हुनुहुन्छ। त्यसमध्ये मलाई थप अनुभव छ भन्ने मेराे जिकिर हाे ।
# जीतहार नी डा.निमेश?
- मैले हारकाे कल्पना नै गरेकाे छैन । मैले सँस्थागत काम गर्नेहुनाले सबै साथीहरूले मलाई मत दिनु हुनेछ । प्रविधिक रुपमा म अध्यक्षकाे उम्मेदवार भएपनि मैले जित्नुभनेकाे सबै साथीहरूले जित्नु हेा किनभने सबैलाई समेटेर लैजाने मेराे खुबी र सँस्था सञ्चालन गर्नसक्ने याेग्यता र क्षमताको बारेमा मेरा सबै अग्रज र समकालीन साथीहरू जानकार हुनुहुन्छ । त्यसैकाे बलमा मैले अध्यक्षमा चुनाव जित्दैछु।
