२०८३ असाेज १२, साेमबार
Advertisement
श्रीखबर,चितवनमा दोस्रो मिष्टर चितवन शारीरिक सुगठन प्रतियोगिता हुने भएको छ ।
“स्वास्थ्य शरीर भित्र स्वस्थ मनस्थिति” भन्ने उदेश्यले भरतपुरमा चितवनमा दोस्रो श्री चितवन, पहिलो पुरुष खेलकुद फिजिक र महिला एथलेटिक्स फिजिक-२०८३ हुन लागेको हो ।
चितवन शारिरीक संगठन तथा फिटनेश संघले असोज १६ र १७ गते हुने प्रतियोगिता गर्न लागेको हो ।
प्रतियोगिता अन्तर्गत मिष्टर चितवन शारीरिक सुगठनतर्फ ५५, ६०, ६५, ७०, ७५ र ७५ केजीभन्दा माथिका तौल समूहमा खेलाडीले प्रतिस्पर्धा गर्नेछन् । त्यस्तै पुरुष स्पोट्र्स फिजिक्स र महिला एथलेटिक्स फिजिक्स विधामा समेत प्रतिस्पर्धा गराइने चितवन शारीरिक सुगठन तथा फिटनेस संघका अध्यक्ष प्रकाश गुरुङले बताए।
विभिन्न तौल समूहका प्रथम, द्वितीय र तृतीय हुने खेलाडीले क्रमशः स्वर्ण पदकसहित २५ हजार, रजत पदकसहित १५ हजार र कांस्य पदकसहित १० हजार रुपैयाँ पुरस्कार प्राप्त गर्नेछन् । मिष्टर चितवनको उपाधि विजेतालाई भने नगद एक लाख ५० हजार रुपैयाँसहित ट्रफी तथा मेडल प्रदान गरिने अध्यक्ष गुरुङले बताए ।
महिला एथलेटिक्स फिजिक्सतर्फ प्रथम, द्वितीय र तृतीय हुने खेलाडीलाई क्रमशः ३० हजार, २० हजार र १० हजार रुपैयाँ नगद पुरस्कारसहित पदक तथा प्रमाणपत्र प्रदान गरिने आयोजकले जनाएको छ । चौथो र पाँचौं स्थान हासिल गर्ने खेलाडीलाई पनि मेडल तथा प्रमाणपत्र प्रदान गरिने आयोजकले जनाएको छ ।
