२०८०श्रावण ३१ , बुधबार

हरि अधिकारी – पश्चिम नेपाल प्रतिनिधि ,बाँके । बाँकेकाे खजुरा गाउँपालिका ३ स्थित एक माछा पाेखरीमा २० किलाे ताैल भएकाे एक गाेही फेलापरेकाे छ । एक मिटर ५७ सेन्टिमिटर लम्बाई रहेकाे मगर गाेही स्थानीय ग्रीन कटेजकाे माछा पाेखरीमा फेला परेकाे हाे ।

पाेखरीमा माछाकाे सँख्या घट्दै गएकाे आभास भएपछि राम्ररी नियाल्दा गाेही देखिएकाे साे गाेही देखिएकाे कटेजका मालिक समेत रहेका प्रेम खरेलले बताउनुभयो ।

पाेखरीमा गाेही देखेपछि प्रहरी कार्यालय धनाैली खजुराका प्रहरी निरीक्षक सन्दिप बेल्वासे मार्फत स्थानीय निकायमा खवर भै नेपाली सेना तथा राष्ट्रिय प्रकृति सँरक्षण काेषका कर्मचारीहरुकाे सहयाेगमा साे गाेही पाेखरीबाट निकालिएको थियाे । उक्त गाेहीलाई सँरक्षणका लागि बर्दियाको ठाकुरद्वारामा पठाईएकाे सँरक्ष प्रविन पाैडेलले जानकारी दिनुभयाे ।