०८३ असार २०, शनिबार
@ ज्ञानेन्द्र पाेख्रेल,पश्चिम नेपाल
बर्दिया/ बढैयाताल गाऊपालिका वडा नं ३ सिमरामा चट्याङ लागेर एक जनाको मृत्यु भएको छ भने तीन जना सामान्य घाईते भएका छन् ।
अषाढ १९ गते बेलुकी ५ बजेको समयमा आफ्नै घर नजिकैको खेतमा धान रोपाई गरिरहेको अवस्थामा चट्याङ परेको थियो। चट्याङबाट सोही ठाउँ बस्ने वर्ष ४५ का बेलास कुर्मी गम्भीर घाईते भएको भन्ने खकर पश्चात् तत्कालै इलाका प्रहरी कार्यालय मैनापोखरको टोली पुगी घाइते कुर्मीलाई उपचारको लागि नेपालगञ्ज मेडिकल कलेज लगिएकाेमा उपचारको क्रममा निजको मृत्यु भएको ईलाका प्रहरी कार्यालय मैनापोखले जानकारी दिएकाे छ ।
चट्याङले सोही ठाउँमा रोपाइ गर्दै गरेका अरु स्थानिय तीनजना लाई पनि करेन्टकाे झट्काले सामान्य समस्या भएको थियो । जस मध्ये वर्ष १६ कि गायत्री कुर्मीलाई स्थानीय मेडिकलमा उपचार गरिएको र अहिले अवस्था सामान्य रहेको आफन्तले जानकारी दिएका थिए ।
घटनाको बारेमा जानकारी प्राप्त हुनासाथ उक्त स्थानमा तत्काल प्रहरी पुगी घटनामा घाइते भएकाहरूको उद्धार गरिएको ईलाका प्रहरी कार्यालय मैनापोखर का प्रहरी निरीक्षक अच्चुत गिरी बताउनुहुन्छ।
हाल मृतक कुर्मी को शब पोस्टमार्टम को लागि भेरी अस्पताल नेपालगंजमा राखीएको छ ।
