२०८३ असाेज २६, साेमबार
@ कृष्ण खनाल
श्रीखबर,चितवन। चितवन उद्योग संघका सञ्चार अधिकृत राजु भट्ट ३५औँ वार्षिक साधारण सभाको अवसरमा ‘वर्ष उत्कृष्ट कर्मचारी’ का रूपमा सम्मानित भएका छन्।
प्रमुख अतिथि नेपाल सरकारका कानुन, न्याय तथा संसदीय मामिलामन्त्री सोविता गौतमले भट्टलाई सम्मान प्रदान गरेकी हुन्। कार्यसम्पादन, कर्तव्यनिष्ठा र संस्थाप्रतिको योगदानको कदर गर्दै उनलाई सम्मान गरिएकाे उद्योग सँघ, चितवनले जनाएको छ।
सम्मानपछि भट्टले आफ्नो कार्यसम्पादनको मूल्याङ्कन गरी सम्मान गरेकोमा संघको नेतृत्व, कार्यसमिति र सहकर्मीहरूप्रति आभार व्यक्त गरेका छन्। यो सम्मान व्यक्तिगत उपलब्धि मात्र नभई सामूहिक प्रयास र टिमवर्कको परिणाम भएको उल्लेख गर्दै श्रीखबरसँगकाे कुराकानीमा भने `खुशी छु, जिम्मेवारी थपिएकाे महशुस गरेकाे छु´।
आगामी दिनमा संस्थाको प्रतिष्ठा र औद्योगिक अभियानलाई थप उचाइमा पुर्याउन प्रतिबद्ध रहेको उनले बताएका छन्।
सूचना प्रमुख राजु भट्ट सक्रिय पत्रकारसमेत हुन्।
