२०८३ असाेज १८ आइतबार
सुलभ बन्धु पाेखरेल
श्रीखबर, माडी।“संस्कृति, पुस्तान्तरण अभियान” भन्ने मूल उद्देश्यका साथ माडी युवा भजन समितिले सञ्चालन गरेको भजन-कीर्तन अभियानको पहिलो चरण सफलतापूर्वक सम्पन्न भएको छ।
२०८३ साल साउन १६ गते बरुवाबाट सुरु भएको उक्त अभियानको सातौँ तथा अन्तिम भजन शृङ्खला असोज १७ गते देवेन्द्रपुरमा सम्पन्न भएको हो।
मौलिक संस्कृति, संस्कार र परम्पराको संरक्षण गर्दै यसलाई एक पुस्ताबाट अर्को पुस्तामा हस्तान्तरण गर्ने लक्ष्यसहित सुरु गरिएको यस अभियानअन्तर्गत माडीका विभिन्न स्थानहरूमा भजन-कीर्तन कार्यक्रम आयोजना गरिएको थियो। अग्रज पुस्ताको ज्ञान र अनुभवलाई युवा पुस्ताको ऊर्जा र नयाँ सोचसँग जोड्दै सांस्कृतिक जागरण ल्याउने प्रयास गरिएको समितिले जनाएको छ।
आगामी दिनमा पनि अभियानलाई निरन्तरता दिँदै माडीका विभिन्न मठ-मन्दिर, धाम तथा शक्तिपीठहरूमा भजन-कीर्तन सञ्चालन गर्ने र साना भाइबहिनीहरूलाई समेत जोड्दै लैजाने योजना समितिको रहेको छ। आय-व्यय पारदर्शी रूपमा सार्वजनिक अभियानको पहिलो चरण पूरा भएसँगै समितिले कुल आय-व्यय विवरण पनि पारदर्शी रूपमा सार्वजनिक गरेको छ।
सार्वजनिक विवरणअनुसार कुल आम्दानी रु. ८०,१२५ भएकोमा रु. ४१,४०५ खर्च भई रु. ३८,७२० रकम बचत भएको छ।
आम्दानीको विवरण:
किर्तनपुर: रु. ३७,३६० देवेन्द्रपुर: रु. १५,२३० खर्कट्टा: रु. १०,९०५ कल्याणपुर: रु. ७,३१० कृष्णनगर: रु. ५,२७० बसन्तपुर: रु. ४,०५० जम्मा आम्दानी: रु. ८०,१२५
खर्चको विवरण: प्रधानमन्त्री राहत कोषमा सहयोग: रु. १५,५५५ खर्कट्टा (कार्यक्रम खर्च): रु. ४,३०० देवेन्द्रपुर (कार्यक्रम खर्च): रु. ४,३०० किर्तनपुर (कार्यक्रम खर्च): रु. ३,५०० मादल खरिद: रु. ३,५०० स्वयंसेवक ज्याकेट: रु. ३,३५० कृष्णनगर (कार्यक्रम खर्च): रु. २,८०० असोज १६ गतेको बैठकमा फलफूल खर्च: रु. २,१०० कल्याणपुर (कार्यक्रम खर्च): रु. १,००० बरुवा (कार्यक्रम खर्च): रु. ५०० बसन्तपुर (कार्यक्रम खर्च): रु. ५००
जम्मा खर्च: रु. ४१,४०५ खुद बचत रकम: रु. ३८,७२०
पहिलो चरणको शृङ्खला औपचारिक रूपमा समापन भए तापनि “संस्कृति, पुस्तान्तरण अभियान” निरन्तर अगाडि बढ्ने समितिले स्पष्ट पारेको छ।
