२०८३ साउन ९, शनिबार
श्रीखबर/ नेकपा एमाले र नेपाली कम्युनिस्ट पार्टी ( नेकपा) बीच प्रदेश मा सँयक्त सरकार बनाउने सहमति भएकाे छ।
दुबै पार्टीका अध्यक्षद्वारा हस्ताक्षरित सहमति पत्रमा प्रदेशसभाहरूमा सहकार्य गर्ने र संयुक्त सरकार गठन गर्ने निर्णय गरिएको जनाइएको छ।
सहमतिमा कोशी, बागमती र लुम्बिनी प्रदेशमा एमालेले सरकारको नेतृत्व गर्नेछ भने कर्णाली र सुदूरपश्चिम प्रदेशमा नेकपाले नेतृत्व गर्ने सहमति भएको छ।
मधेश र गण्डकी प्रदेशका विषयमा भने अन्य प्रदेशसभामा प्रतिनिधित्व गर्ने दलहरूसँग समेत परामर्श गरेर सरकारको नेतृत्व र सहभागिताको स्वरूप तय गरिने उल्लेख गरिएको छ। सहमति पत्रमा एमाले अध्यक्ष केपी शर्मा ओली र नेकपा संयोजक पुष्पकमल दाहाल ‘प्रचण्ड’ले हस्ताक्षर गरेका छन्।
पत्रको मिति २०८३ साल साउन ९ गते उल्लेख गरिएको छ। यो सहमतिलाई आगामी दिनमा प्रदेश सरकारहरूमा नयाँ शक्ति समीकरण र सत्ता साझेदारीको आधारका रूपमा हेरिएको छ।
राजनीतिक वृत्तमा यसले प्रदेशस्तरको अस्थिरता कम गर्न, बजेट पारित प्रक्रियालाई सहज बनाउन र विकास निर्माणका काममा समन्वय बढाउन भूमिका खेल्ने अपेक्षा गरिएको छ।
