२०८३ जेष्ठ १६, शनिबार
श्रीखबर/जिन्दगीको लामाे यात्रा गणतन्त्रका लागि लडेका पूर्वप्रधानमन्त्रीहरु नै गणतन्त्र दिवस मनाउने राष्ट्रिय अवसरबाट चुकेका छन् ।
राष्ट्रले टुँडिखेलमा आयोजना गरिएको विशेष समारोहमा पूर्वप्रधानमन्त्रीहरूलाई निमन्त्रणा नगरिएपछि आफैँले लडेर प्राप्त गरेकाे गणतन्त्र काे १८अैाँ दिवस मनाउने अवसर गुमेकाे हाे।
कार्यक्रममा राष्ट्रपति, उपराष्ट्रपति, सभामुख, प्रधानमन्त्रीसहित उच्च पदस्थ अधिकारीहरूको उपस्थिति रहे पनि पूर्वप्रधानमन्त्रीहरू सुशीला कार्की, केपी शर्मा ओली, पुष्पकमल दाहाल प्रचण्ड, शेरबहादुर देउवा, माधवकुमार नेपाल र झलनाथ खनाल, लोकेन्द्रबहादुर चन्न भने भने उपस्थित देखिएन । देउवा स्वास्थ्य उपचारका लागि विदेश मै छन्।
पूर्वप्रधानमन्त्री खनालले गणतन्त्र दिवसको विशेष समारोहमा आफूलाई निम्ता नगरिएको बताएका छन् भने पूर्वप्रधानमन्त्री दाहालको सचिवालयले पनि पूर्वप्रधानमन्त्रीको हैसियतमा निमन्त्रणा नआएको जनाएको छ ।
दाहालका सचिवालय सदस्य गंगा दाहालका अनुसार प्रतिनिधिसभा सदस्यको हैसियतमा पत्र आए पनि पूर्वप्रधानमन्त्रीको हैसियतबारे कुनै उल्लेख गरिएको छैन।
गणतन्त्र दिवसको समारोहमा मुलुकको कार्यकारी प्रमुख रहेका प्रधानमन्त्रीले सम्बोधन गर्ने प्रचलन रहेपनि यो पटक राष्ट्रपति रामचन्द्र पौडेलले सम्बोधन गरेका छन् । प्रधानमन्त्री वालेन्द्र शाहले परम्परा तोड्दै गणतन्त्र दिवसको समारोहमा कुनै सम्बोधन गरेनन् । गणतन्त्र दिवसलाई प्रधानमन्त्रीले सम्वाेधन नगर्नुलाई चासाेका साथ हेरिरहेको छ।
राज्य सञ्चालनका स्थापित कैयौं नजिरहरु ताेडिदै नयाँ स्थापित मान्यता प्रति भने जनचासाे बढ्दै गैरहेकाे छ।
