२०८२ माघ १४,बुधबार
@ कृष्ण खनाल
सरकारले आउँदो प्रतिनिधिसभा सदस्य चुनावका लागि १९ अर्ब २१ करोड रुपैयाँ खर्च गर्न स्रोत सुनिश्चित गरेको छ । सबै रकम आन्तरिक स्रोतबाटै जुटाइएको अर्थ मन्त्रालयका प्रवक्ता टङ्कप्रसाद पाण्डेले जनाएका छन् ।
निर्वाचन आयाेगले उम्मेदवारलाई निर्वाचन क्षेत्रकाे आधारमा प्रति उम्मेदवार २५ लाख द्खि ३३ लाखसम्म खर्च गर्न पाउने सिमा ताेकेकाे छ ।तर यी सिमा केवल बताउनका लागि मात्रै रहेकाे हरकसैले बताउँछन् ।किनभने उम्मेदवारकाे चुनावी खर्च कराेडदेखि अर्वसम्म हुनेगरेकाे जानकारहरु बताउँछन् ।
सरकारले भने चुनावी खर्च विनियोजन गरिसकेको छ। जसअनुसार गृह मन्त्रालयलाई १० अर्ब ४९ करोड, रक्षा मन्त्रालयलाई १ अर्ब ९९ करोड र निर्वाचन आयोगलाई ६ अर्ब ७२ करोड रुपैयाँ खर्च विनियोजन गरिएको हाे।
४ अर्ब रुपैयाँभन्दा धेरै रकम मतदान र त्यससँग जोडिएका गतिविधिमा खर्च जनाइएको छ। सबैभन्दा धेरै खर्च चुनावको सुरक्षामा हुनेछ ।
गृह मन्त्रालयका प्रवक्ता आनन्द काफ्लेका अनुसार झन्डै १ लाख ५० हजार निर्वाचन प्रहरी र ७७ हजार नेपाली सेना परिचालन हुनेछन् ।
अघिल्लो पटक सुरक्षामा झन्डै साढे ११ अर्ब रुपैयाँ खर्च भएको थियो । पूर्व प्रमुख निर्वाचन आयुक्त भोजराज पोखरेलले चुनावी खर्च अत्यधिक बढेको भन्दै नीतिगत सुधार गर्नुपर्ने बताएका छन् ।
उनले सुरक्षा खर्च घटाउन राजनीतिक दलले प्रमुख भूमिका खेल्नुपर्ने र विकेन्द्रीकृत तरिकाबाट चुनाव गराउन सकिने बताए ।
