२०८२ कार्तिक २४,साेमबार
चितवन । गजल मञ्च चितवनकाे आयाेजनामा यहि कार्तिक २९ गते शनिबार ‘गजलसँगै…’ कार्यक्रमकाे ११ाैं शृङ्खला हुँदैछ।
कार्यक्रमकाे तयारी पूरा भैसकेकाे जानकारी दिँदै सबै गजल अनुरागी तथा साहित्यिक स्रष्टाहरुलाई हार्दिक निमन्त्रणा पठाएकाे मञ्चका अध्यक्ष रामकृष्ण अनायासले बताउनुभयो ।
यस पटककाे कार्यक्रम विशेष हुने अपेक्षा गरिएको मञ्चका उपाध्यक्ष कमल अर्यालले बताउनुभएको छ।`देशका विभिन्न ठाउँबाट चर्चित गजलकारहरु सहभागी हुने तय भएकाे छ- कार्यक्रम भव्य हुनेछ´ अर्यालले भन्नुभयो ।
कार्यक्रममा देवघाटबाट एस.आर. दवाडी, विराटनगरबाट बबिता भुजेल, काठमाडौंबाट बाबु त्रिपाठी र चितवनबाट लेखराम सापकोटा मुख्य गजल वाचकका रूपमा प्रस्तुत हुने छन्।
गजल र संगीतका माध्यमबाट साहित्यिक अनुभूति बाँड्ने उद्देश्यका साथ सुरु गरिएको ‘गजलसँगै…’ श्रृङ्खला निरन्तर रुपमा सञ्चालन हुँदै आएको छ। प्रत्येक शृङ्खलाले नयाँ गजलकार र श्रोता बीच संवादकाे सेतुकाे रूपमा भूमिका खेल्दै आएको जानकारहरु बताउँछन् ।
कार्यक्रम गैडाकोटस्थित द नारायणी रिसोर्टमा दिउँसाे १ बजेबाट सुरु हुने छ।
आयोजकले सबै साहित्यिक मनहरु, गजल प्रेमी र स्रष्टाहरुलाई कार्यक्रममा उपस्थित भई गजलकाे रसास्वादन गर्न आग्रह गरिएकाे जनाएको छ।
