२०८२ पुष २६, शनिबार
श्रीखबर/ गैँडाकाेट,
गैँडाकोट महोत्सवको आकर्षणको रुपमा रहेको जलपरीको आज गैँडाकोट नगरपालिका प्रमुख मदनभक्त अधिकारीले उद्घाटन गरेका छन्।
जलपरी डोमको उद्घाटन गर्दै नगरप्रमुख अधिकारीले यो अद्भूत दृश्य हेर्न आउन सबै नागरिकलाई आग्रह गरेका छन् । याे अद्भुत दृश्य हेर्न आउनुहाेस्´ उद्घाटन गर्दै उनले भने,जलपरी यहाँको लागि नौलो र आकर्षक प्रस्तुति हाे´।
यस प्रकारका मेला महोत्सवले स्थानीय उत्पादनको प्रवद्र्धन र बजारीकरणसँगै आर्थिक क्षेत्रलाई चलायमान गराउने बताउँदै मेयर अधिकारीले महोत्सवले यहाँको धार्मिक तथा पर्यटकीय क्षेत्रको प्रवद्र्धनसँगै स्थानीय उत्पादनलाई बजारसम्म जोड्न बताए।
उद्घाटन गरेसँगै जलपरी हेर्ने आउने दर्शकको भिड बढेको छ। महोत्सव आउने अधिकांश दर्शकहरु जलपरी तथा फिस टनेलको अवलोकन गर्न पुगेका महोत्सव प्रचार प्रसार उपसमिति संयोजक शालिकराम सापकोटाले बताए,`दर्शनको उल्लेख्य सहभागीता छ´।
यसैबीच, महोत्सवको सांस्कृतिक कार्यक्रममा कलाकार प्रकाश सपूत, सीता राना, गायक तथा प्रस्तोता दीपक खड्का र सन्तोष सुवेदीलगायत स्थानीय तथा ख्यातिप्राप्त राष्ट्रिय कलाकारहरुको सांगीतिक प्रस्तुती रहेको थियाे।
महोत्सवको तेस्रो दिन आइतबार चर्चित गायिका समीक्षा अधिकारीसहित चर्चित कालाकारको प्रस्तुती रहने लम्सालले जानकारी दिए । उनकाअनुसार अधिकारीसहित अन्य कलाकाहरु सरिता गुरुङ, दीपक खड्का, आरसी पौडेलको प्रस्तुती रहनेछ ।
त्यस्तै, भोलिदेखि नै भजन प्रतियोगिता समेत सुरु हुने भएको छ। नवलपुरको गैँडाकोट–२ स्थित नारायणी नदी किनारमा सुरु भएको महोत्सव माघ १० गतेसम्म सञ्चालन हुनेछ ।
