२०८२ कार्तिक २,आइतबार

शनिबार राति सम्पन्न भएको केन्द्रीय समितिको तेस्रो पूर्ण बैठकले क्रान्तिकारी कम्युनिस्ट पार्टीका महासचिव किरणले दिएको राजीनामा स्वीकृत गरेको छ।

स्वास्थ्यका कारण देखाउँदै महासचिव वैद्यले राजीनामा दिएका थिए। नयाँ महासचिवमा वरिष्ठ नेता चन्द्रप्रकाश (सीपी) गजुरेललाई नियुक्त भएका छन् भने स्थायी सदस्यमा परी थापा र सिताराम गुरुङलाई मनाेनित गरिएको छ।

किरण गत वर्ष मंसिर २३ गते कीर्तिपुरमा सम्पन्न महाधिवेशनबाट सर्वसम्मत महासचिव नियुक्त भउका थिए। लामो समय निमोनिया र दमबाट पीडित किरण जेठदेखि पटक–पटक अस्पताल भर्ना भएका छन्।

किरणको अनुपस्थितमा गजुरेलले कार्यवाहक महासचिवको भूमिका निर्वाह गर्दै आएका थिए।  किरणको आगामी भूमिका पार्टीको संरक्षक, वैचारिक तथा सैद्धान्तिक रूपमा रहने जनाइएको छ।