चैत्र ३ अर्थात २०४६ सालमा तत्कालीन पन्चायती सरकारले पारिजात लगायत देशका ख्यातिप्राप्त कवि ,कलाकारहरुलाई धडपकड गरेकाे दिनकाे विराेधपूर्ण सम्झनामा प्रगतिशील लेखक सँघ चितवनले चाैविसकाेठी चाेक भरतपुरमा आयाेजना गरेकाे सडक कवितमा प्रस्तुत:
कृष्णप्रसाद खनाल
भरतपुर-११, चितवन ।
नकचराे सरकार
नकचराे सरकार
छ्या नकचराे सरकार
बेरोजगारी माथि -मँहङ्गीकाे भारी बर्सियाे
छैन तिमीलाई कुनै दरकार
छि कस्तो नकचराे सरकार ।
का. मू.ले त न्याय चलाएको देश
कानुन नै काबुमा लिने दाउछ तिम्राे
जनताको पीरमर्कामा तिम्राे के सराेकार
छि कस्तो नकचराे सरकार ।
न्याय मर्दैछ,मारिदैछ पटकपटक
नाकैमुनि बलत्कारी र तस्कर हिडिरहेछन्
द्वन्द्वकै न्याय देऊ भन्दैछन् जनताहरु
बर्षाैँ बितायाै न गर्याै वारपार
छि कस्ताे नकचराे सरकार ।
मुलुक मै फलेकाे सागपातले पनि बजार पाएन
राेडमै कुल्च्याउँदा पनि थाहा नपाउने सरकार
तिमी त सत्ताकाे वल्ट्याई पल्ट्याईमा मस्त छाै
जनता खानै नपाउने भएपछि
के काम भाे याे पाजी सरकार।
चामल तेल आँटाे पिठाेकाे त भाउ बढ्याे
ढूध किसानलाई मर्कै थियाे त्याे पनि बढ्याे
किनेर त खानैपर्ने हाेला
कसरी किन्ने हाे भनिदेऊ ए सरकार ।।
कहिले कस्काे घाेक्राे नाप्याै
कहिले कस्काे बुईचढ्याै
दुनियाँले छ्याङ्गै नाङ्गै देखिसक्याे
लाजकाे पसाराे
नैतिकता र ईमान हराउँदैछ यहाँ
छि कस्ताे नकचराे सरकार
कस्ताे नकचराे सरकार ।।
( प्रस्ताेता लेखक राष्ट्रिय जनसाहित्य सँघ नेपालका केन्द्रीय सदस्य हुन् ।)
यो खबर पढेर तपाईलाई कस्तो महसुस भयो ?
+1
+1
+1
+1
+1
