३१ जेष्ठ २०८०,बुधबार ।
काठमाडौं /नेपालीलाई नक्कली भुटानी शरणार्थी बनाएर अमेरिका पठाउने गिराेह भनी प्रहरीले अदालतमा प्रतिवादी बनाईएका ३० जना मध्य हिजाे साँझसम्म १२ जनाकाे मात्रै बयान सकिएकाे छ।
प्रतिवादी पूर्व गृहमन्त्री बालकृष्ण खाँडकाे पक्षमा अधिवक्ता पँकज कर्ण देखि रश्मि थापासम्मले उनकाे पक्षमा वकालत गरि पनि अझै उनका थप वकिलहरुले खाँडकाे पक्षमा वकालत गर्न समय मागेकाले हिजाे उनकाे बयान नसकिएकाे अदालतले जनाएयाे ।
साे काण्डमा किटानी परेका मध्य अब खाँड बाहेक शरणार्थी नेता टेकनाथ रिजाल,आङटावा शेर्पा,शमशेर मिया, हरिभक्त महर्जन र लक्ष्मी महर्जन काे भने बयान हुनै बाँकी ।
सबैकाे बयान नसकिई उनीहरूलाई थुनाबाटै मुद्दा चलाउने कि तारिकमा छाेड्ने भन्ने आदेश हुनेछैन ।
अभियाेग लागेका मध्य अझै पनि १२ जना अझै फरार नै छन् । फरार हुनेहरुमा काठमाडौंका ३० वर्षका केशव तुलाधर, इटहरीका अशोक पोखरेल, मोरङका ३९ वर्षीय धिरेन राई र ललितपुर बस्ने दीपा हुमागाईं, इन्द्रजीत राईका छोरा निरज राई, ३० वर्षीय राजेश अर्याल, पाँचथरका ६० वर्षीय मोहनराज राई, काठमाडौंका २४ वर्षीय आशिष बुढाथोकी, मोरङकी ४० वर्षीया बिनिता सावदेन लिम्बू, रौतहटका ४२ वर्षीय निरन्जनकुमार खरेल, झापाका ३१ वर्षीय सुनिल बुढाथोकी र पूर्वगृहमन्त्री रामबहादुर थापा बादलका छोरा प्रतिक छन्।
प्रहरीले पठाएको प्रतिवेदनका आधारमा सरकारी वकिलले जेठ १० गते उनीहरूविरूद्ध ठगी, लिखत कीर्ते, राज्यविरूद्ध र संगठित अपराध र एकीकृत कसुरमा मुद्दा दर्ता गर्ने भएको हो।
