२०८३ असाेज ८, बिहीबार
@ ज्ञानेन्द्र पाेख्रेल, बर्दिया
श्रीखबर/ आज असोज ८ देखि ११ गतेसम्म देशका विभिन्न भागमा अत्याधिक बर्षा हुने र अत्याधिक बर्षाका कारण आउन सक्ने बाढी, पहिरो र डुवान का कारण हुन सक्ने सम्भावित जोखिमहरूलाई व्यवस्थापन गर्ने सम्बन्धमा पूर्वतयारी गर्ने विषयका लागि असोज ८ गतेका दिन बढैयाताल गाऊपालिका स्तरिय विपत व्यवस्थापन समितिकाे बैठक बसेकाे सम्पन्न भएकाे छ।
संयोजक गाऊपालिका अध्यक्ष हिमालय त्रिपाठी को अध्यक्षतामा आकस्मिक बैठक बसी बिपत व्यवस्थापन गर्ने सम्बन्धमा तत्काल गर्ने सकिने सबै उपाय र साधन स्रोत परिचालन गर्ने तथा विपतमा पर्नसक्ने व्यक्तिहरूलाई उद्धार गर्नु पर्ने अवस्था भएको खण्डमा आवाश्यक होल्डिङ सेन्टर को व्यवस्था गर्ने , लगायत का विषय र उद्धार विषयमा छलफल भएकाे नेपाल रेडक्रस उपशाखा बढैयातालले जनाएको छ।
नेपाल प्रहरी शसत्र प्रहरी र नेपाल रेडक्रस सोसाइटीका टिमकाे अधिकतम परिचालन लगायत को विषयमा निर्णय भएको बढैयाताल गाऊपालिका विपत व्यवस्थापन समिति का फोकल पर्सन स्वास्थ्य शाखा प्रमुख रमेश पौडेलले बताए।
बैठकमा गाऊपालिका उपाध्यक्ष, कार्यकारी प्रमुख अर्जुन थारू, लेखा प्रमुख नारायण राज पन्त त्रिपाठी , सबै वडाका वडा अध्यक्षहरू, जनप्रतिनिधि दरू राजनितिक दलका पालिका स्तरिय नेताहरू, ईलाका प्रहरी कार्यालय मैनापोखर का प्रमुख अच्युत गिरी , शसत्र प्रहरी बल सिमा सुरक्षा गण कण्ठपुर बर्दिया का प्रमुख , बढैयाताल उद्योग वाणिज्य संघ का बरिष्ठ उपाध्यक्ष दिपक खनाल तथा रेडक्रस सोसाइटी का प्रतिनिधि ,नागरिक समाज का प्रतिनिधि तथा पत्रकार लगायतको उपस्थिति रहेको थियो ।
