२०८३ बैशाख १८, शुक्रबार

@ कृष्ण खनाल

श्रीखबर/चितवन। CG Motors को आधिकारिक विक्रेता Euro Motors Pvt. Ltd. ले नेपालमै पहिलो पटक १६ सिटर क्षमताको ब्लेड ब्याट्रीसहितको इलेक्ट्रिक बस सार्वजनिक गरेको छ।

भरतपुर उद्योग सँघमा आयाेजित अटाे शाेमा अत्याधुनिक सुविधायुक्त साे गाडी सार्वजनिक गरिएको हाे । सार्वजनिक सभासहितकाे प्रदर्शनीलाई बागमती प्रदेशका मुख्यमन्त्री इन्द्रबहादुर बानियाँले उद्घाटन गरेका थिए।

कम्पनीका अनुसार “किङ लङ” ब्रान्ड अन्तर्गतको यो नयाँ बस आधुनिक प्रविधि र उच्च प्रदर्शनका साथ नेपाली बजारमा ल्याइएको हो। विशेषगरी लामो दूरीका लागि उपयुक्त मानिएको यस बसले व्यावसायिक यातायात क्षेत्रमा नयाँ सम्भावना सिर्जना गर्ने अपेक्षा गरिएको छ।बसमा ५४.५२ किलोवाट आवर (kWh) क्षमताको ब्लेड ब्याट्री जडान गरिएको छ, जुन सुरक्षा र दीर्घकालीन प्रयोगका दृष्टिले विश्वसनीय मानिन्छ। कम्पनीले जनाएअनुसार, यो प्रविधि उच्च तापक्रम नियन्त्रण, लामो आयु र स्थायित्वका कारण विशेष मानिन्छ।

यसका साथै २१० किलोवाट क्षमताको शक्तिशाली मोटरले बसलाई उत्कृष्ट प्रदर्शन प्रदान गर्ने बताइएको छ। आरामदायी सिट, फराकिलो इन्टेरियर र आधुनिक डिजाइनले यात्रुलाई सहज र सुरक्षित यात्रा अनुभव दिने कम्पनीको दाबी छ।

सार्वजनिक कार्यक्रममा सहभागीहरूले नेपालमा विद्युतीय सवारी साधनको बढ्दो प्रयोगले वातावरणीय संरक्षण र इन्धन निर्भरता घटाउन महत्वपूर्ण भूमिका खेल्ने धारणा व्यक्त गरेका थिए।

कम्पनीका प्रवन्ध।निर्देशक कमल अधिकारीअनुसार, “किङ लङ” ब्रान्डले विश्वका १८५ भन्दा बढी देशमा सेवा विस्तार गरिसकेको छ। नेपालमा पनि ५ हजारभन्दा बढी युनिट बिक्री, २०० भन्दा बढी चार्जिङ स्टेशन र २० भन्दा बढी सर्भिस सेन्टरमार्फत सेवा दिँदै आएको जानकारी दिइएको छ।

नयाँ बसको प्रारम्भिक मूल्य करिब ७२ लाख ५० हजारताेकेकाे छ। । यातायात व्यवसायी तथा फ्लीट अपरेटरलाई लक्षित गरी आकर्षक फाइनान्स सुविधा समेत उपलब्ध गराइने कम्पनीले जनाएको छ।