२०८२ असाेज २, बिहीबार
@ नारायण पौडेल चितवन।
जेजजी ( Gen Z) को आन्दोलन भाद्र २३ र घुसपैठ लुटपाट भाद्र २४ लाई विश्लेषण हुँदै विभिन्न माध्ययमबाट कुराहरू बाहिर आइनै सकेका छन । २३ गतेको आम्दोलनमा राज्य पक्षबाट भएको हत्यामा ज्यान गुमाउनुहुने Gen Z का कलिला मुनाहरु प्रती भावपूर्ण श्रद्धाञ्जली ब्यक्त गर्दै घाइतेहरूको शिघ्र अनि पूर्ण स्वास्थ्य लाभको कामना गर्दछु । अपराधसंग जोडिएका जो कोहिलाई पनि हदैसम्मको कानुनी कार्बाहीको जोडदार माग गर्दछु । सम्पुर्ण परिबारजनमा समबेदना ब्यक्त गर्दछु ।

वास्तविक आन्दोलनकारी पुस्ताका आंशिक मागहरु पूरा भएका छन र बाँकी मुद्दाहरु पनि संविधानसम्मत पूरा गर्ने जिम्मेवारीका साथ Gen Z कै निर्णय अनुसार अन्तरिम सरकार गठन भएको छ ।अबको बाँकी कामको जिम्मेवारी यहि सरकारमा छ । साथ हामी सबैको रहने नै छ ।
२४ गतेको पछिल्लो घटनाक्रमहरु जो वास्तविक Gen Z हरुकै भनाइ अनुसार उनिहरुको निर्देशन र सम्लग्नता नभएका घटनाको समेत यो सरकारले छानबिन गरि राज्यको सम्पत्तिलाई ध्वस्त पार्नेहरुलाई कानुनी कार्बाही गर्नु पर्छ । अझ भन्ने हो भने ती सचेत Gen Z हरुले आफ्नो शान्तिपुर्ण आन्दोलनलाई भडकाउने र आन्दोलनलाई बदनाम गराउने गरि भएका त्यस्ता क्रियाकलाप मा संलग्न भित्री र बाहिरी तत्वहरुलाई खोजी गर्न सरकारलाई सहयोग गर्ने अभियान चलाउनु पर्दछ । सबै सचेत नागरिकले साथ दिनै पर्छ ।
माग र मुद्दाहरूको दृष्टिले Gen Z को आन्दोलनलाई सम्मान गर्न सकिए पनि आफ्नो आन्दोलनको मोडालिटी र समापन र आन्दोलन पस्चात हुने प्राप्तिलाई सस्थागत गर्ने परिपक्वता बिल्कुलै नभएकै कारण उनीहरुकै भाषामा भन्दा आन्दोलन नै हाइज्याक भयो । यो दुर्भाग्यपूर्ण हो । यसो हुनुमा मैदानी नेतृत्व नभई कोठामा बसेर गरिने डिजिटल नेतृत्व हुनु नै प्रमुख कारण हो ।
देशैभरका सार्बजनिक सम्पत्तिको बिनासको जिम्मेवारी त्यो Digital Cliking Leader ले पनि लिनु पर्दछ । त्यो जो कोहि होस्। भाद्र २३ गते देखि आजसम्मका घटनाक्रमहरुको विश्लेषण, विभिन्न सञ्चार माध्यममा आएका सूचना आदिको विश्लेषण गर्दा के पक्का के भन्न सकिन्छ भने बिचरा ती खास आन्दोलनकारी Gen Z लाई थाहा दिइएको आन्दोलनको आबरणको मुद्दा भ्रस्टाचार , नाताबाद र सामाजिक सन्जाल स्वतन्त्रता मात्रै भएको देखिन्छ ।Digital Clik Keyboard मा बस्नेहरुको आन्दोलनको भित्री स्वार्थ अर्कै भएको देखिन्छ । अन्ततः यसको सबल प्रमाण नै के हो भने आन्दोलनको उठानको नेतृत्व र समापनको नेतृत्व आकस्मिक परिबर्तन हुनु र आन्दोलन मात्र नभै खास आन्दोलनकारी समेत हाइज्याक को सिकार हुनु हो । यहि आन्दोलनलाई मौकाको फाइदामा परिणत गर्न खोज्ने कतिपय राजानीतिक दल र अन्य समुहहरुका कारण पनि आन्दोलन थप बदनाम हुनु पर्यो ।

स्वदेशी तथा बिदेशी सन्चार माध्ययमहरु र विश्लेषकहरुकाे निष्कर्ष नियाल्दा पनि के प्रस्ट हुन्छ भने भ्रष्टाचार , कुशासन , नाताबाद आदि आदि जस्ता आन्तरिक कारण मात्रै यो आन्दोलनको उठानको तानाबुना गासिएको नभै भू-राजनितिक तथा अन्तर्राष्ट्रिय कारणहरु पनि रहेको छ। त्यस्ता शक्तिकेन्द्रहरुले चलखेल गरि नेपाल र नेपाली सार्बभौमिकता माथी योजनाबद्द आक्रमण गराइएको प्रस्ट हुन्छ
। दु:खको कुरा ती अबोध Gen Z हरुलाइ यो कुराको सुइको समेत नदिइ यत्रो बिनाश गराएर पनि ती शक्तिकेन्द्र्हरु शान्त छैनन् । अझै बल मैदानमै छोडेर बाहिर तमासा हेरेझै गरेर भित्र नेपालमा दीर्घकालिन अशान्ती र अस्थिरताको खेल खेलिनै रहेका छन । यो नकाब जुन दिन खुस्कन्छ त्यो दिन फेरि Gen Z मात्र हैन अल्फा बिटा सहित सारा नेपाली मातृभूमिको रक्षार्थ सडकमा उत्रन्छन । सचेतनापूर्ण हिसाबले ।
भनिन्छ नि ज्वरो आफैमा रोग हैन तर भित्री कुनै भयानक रोगको संकेत हो । नेपाल आवरणमा हेर्दा भ्रस्टाचार , कुशासन आदि आदि जस्ता ज्वरोको कारण मृत्युशैयामा रहेको मात्र नभै अतिक्रमित नेपाली भूमी , MCC , BRI हुँदै एक चीन (तिब्बती स्वतन्त्रता) र Chicken Neck जस्ता धेरै पर्दा पछाडीका भित्रि कारण आज नेपालले यो हबिगत ब्यहोर्न परेको छ ।
राष्ट्रको यो जटिल परिस्थितिमा सबै नेपाली चनाखो हुँदै हरेक क्लिकमा आउने उत्तेजक सन्चारको विश्लेषण गरेर मात्र धारणा बनाउनु जरुरी छ भने अर्को तिर लोकतान्त्रिक प्रणालिमा दलको बिकल्प दल नै भएकोले हरेक दलले आफुलाई Complete Reform गर्दै देश र जनता प्रती उत्तरदायी बन्ने प्रणका साथ दम्भ र घमन्ड त्यागी टावरको पावरमा हैन जनताको पावरमा पार्टी र सत्ता चलाउने गरि जनतामा फर्कनु जरुरी छ ।
वास्तवमा नै युवा भविष्यको कर्णधार मात्र होइनन् वर्तमानका हिस्सेदार पनि हुन् । उनीहरूको शरीरमा बग्ने तातो रगतसँगै चिन्तनको गहनतम आयाम र सचेतनासहितको जागरणयुक्त बीज निर्माण गर्न सके मात्र राष्ट्रियता थप सुदृढ बन्दै विकासको गतिमा गतिशील बन्नेछ।




