२०८२ साउन ७, बुधबार

भरतपुर हाइटमा रहेकाे अत्याधुनिक सुविधा सम्पन्न चारतारे हाेटल `हाेटल सिराइचुली लिमिटेड´ले आइपीओ निस्कासन गर्ने भएकाे छ।

शेयर निस्कासन तथा बिक्री प्रवन्धकाे जिम्मा भने नविल इन्भेस्टमेन्ट बैँकिङ लिमिटेडले गर्ने सिराइचुलिका अध्यक्ष चुडामणी खनालले जानकारी दिनुभयो ।

धिताेपत्र दर्ता तथा निस्कासन सम्बन्धि नियमावली र धिताेपत्र दर्ता तथा निस्कासन तथा बाँडफाँड सम्बन्धि निर्देशिकाहरुमा भएकाे व्यवस्था बमाेजिम निकट भबिष्य नियमनकारी निकायकाे स्वीकृतिमा शेयर निस्कासन गर्ने प्रकृया अगाडि बढेकाे अध्यक्ष खनालले बताउनुभयो ।

शेयर निस्कासन गर्ने विषयमा जिम्मा पाएकाे नविल इन्भेस्टमेन्ट बैँकिङ र हाेटल सिराइचुली बीच सम्झाैता समेत भैसकेको छ।

निस्कासन कम्पनीका प्रवन्ध सञ्चालक विष्णु कुँवर र कम्पनी सञ्चालक बाबुराम उपाध्यायकाे उपस्थितिकाे राेहवरमा नविलका प्रमुख कार्यकारी अधिकृत मनिप नारायण जाेशी र सिराइचुलीकाे तर्फबाट अध्यक्ष चुडामणी खनालले सम्झाैता पत्रमा हस्ताक्षर गरेका छन् ।

अध्याधुनिक सुविधा सम्पन्न हाेटल सिराईचुली फाेर स्टार हाेटल हाे । यहाँ समसामयिक आवास,मल्टिकुजिन रेष्टुरेन्ट,३ वटा वैकिट हल ,५ बाेर्ड रुमहरु रहेकाे हाेटल सिराइचुलीमा इन्फिनिटी स्विमिङ पुल,रुपटप रेष्टुरेन्ट,पुल साइटवार छन् । जिम स्पा समेत रहेकाे हाेटलका उच्चस्तरीय सजावट एवं सुविधायुक्त काेठाहरु पाहुनाहरुका लागि थकावट र तनाव व्यवस्थापनकाे उचित गन्तव्य रहेकाे ग्राहकहरु बताउँछन् । हाेटलबाट देखिने हिमश्रृङ्खला , नारायणगढ बजार गैटाकाेट तथा नारायणी नदिकाे मनाेरम देश्यका साथै माैलाकालीका मन्दिरकाे सिधा दृश्यावलाेकन आदिका कारण हाेटल सिराइचुली सँसारका सुविधा सम्पन्न चारतारे हाेेटल सरह रहनुका साथै महत्त्वपूर्ण गाेष्ठी सेमिनार र भाेज पार्टीका लागि आकर्षण बन्दै गैरहेकाे छ ।

हाेटलले निस्कासन गर्न लागेकाे शेयरकाे बजारचर्चा शुरु भैसकेकाे अध्यक्ष खनाल बताउनुहुन्छ।