२०८१ असार १०, साेमबार
चितवन। ताेरीखेतबाट राष्ट्रिय परिचय पत्र बनाउन एकाबिहानै जिल्ला प्रशासन कार्यालय चितवन भित्र छिर्दा अतालिनुभएकी सुमित्रा खड्कालाई भत्तै पाइदैन कि भन्ने डरले पेटै पाेलेकाे छ ।
` के हाे कागज नभएपछि भत्ता पाइदैन भने छाेरा, नातीले त्यैभएर ल्याकाहुन् रे ´ भन्नुहुन्छ सुमित्रा आमा। यस्ताे गर्मी छ के गरेका हाेलान् ठुला मान्छेले बाबू , कति दु: ख दिन जानेका हाेलान् बुढाबुढीलाई मर्ने बेलामा भन्नुहुन्छ , आमा ।
[तीर्थराज पाेख्रेल ८५ वर्ष]
दराईटाेलबाट ६ बजे नै जिल्ला प्रशासन भित्र भाडाकाे तीनपाङ्ग्रेमा पुग्नुभएकाे तीर्थराज पाेख्रेल ८५ वर्ष पुगिसकेँ भन्नुहुन्छ ।
हामीलाई के चाहिएकाे थियाे र मर्नेबेलामा ठुलाे परिचय सरिचय। जिउँदै छ कि मरे भन्ने थाहा पाउनपर्ने भए घरघरै आएरै आउनु । भाेट है बुवा भन्न घरघरै आउनेले याे उमेरमा झ्याईँकुटी बनाएर कार्यालय ल्याउनुपर्ने बनाए बाबू ´भन्नुहुन्छ पाेख्रेल।
अब जागिर खानुछैन, विदेश जानुछैन, घरखेत किन्नुछैन । देवघाट लानलाई त्याे राष्ट्रिय कार्ड चाहिने हाेइन , व्यर्थ दु:ख दिएबाबु।` आफुहरु एसिमा बसेका छन्, पँखामा बसेका छन् , यति धेरै बुढाबुढी थुप्रेर बस्नेठाउँमा पड्खा राख्दा यिनकाे के जान्थ्याे र बाबू , जनता कै कर त हाे नी ´ – अलिक जँगिनुभयाे पाेख्रेल बुबा ।
हुनपनि जेष्ठ नागरिकले फाेटा खिचाउन कुरेर बस्नुपर्ने ठाउँमा कतै पङ्खा देखिदै , ठाउँमा विहान कै घाम छिर्दाेरहेछ । गर्मीले आत्तिएका वृद्दहरु काे एउटै स्वर छ किन हाे बाबू सरकारले जनतालाई यतिविघ्न सकस दिएकाे ?
सरकारले राज्यका नागरिकलाई थप के सुविधा दिन राष्ट्रिय परिचय पत्र शुरु गर्याे र याे लिएबापत नागरिकलाई कुन काममा कति रकम बचत हुन्छ तथ्य भन्दा पनि व्याख्यात्मक टिप्पणीका भरमा चितवन सहित केही जिल्लामा अनिवार्य राष्ट्रिय परिचय पत्र कार्यक्रम गरिरहेकाे छ ।
तीन वर्ष पहिले टाेलटाेलमा खिचिएका फाेटाे र विवरणकाे पत्ताे नलाग्दा नागरिकले पाएकाे दु:ख र खर्च सास्तीकाे बयान थप पिडादायक छदैछ ।
सरकारले ९० वर्ष भन्दा माथिका जेष्ठ जागरिककाे हकमा भत्ताका लागि राष्ट्रिय परिचयपत्र अनिवार्य चिहिने छैन भनेपनि वडा टाेलमा अनिवार्यकाे मात्रै हल्लाका कारण जेष्ठ नागरिकहरुकाे जिल्ला प्रशासनमा भिड बढेकाे छ।
