खैरहनी मालपोत ले उठायाे बाईस कराेड राजश्व , कुन पालिकाले कति पाए त रकम

२०८१ श्रावण ११, शुक्रबार

कृष्ण खनाल,चितवन

पूर्वी  चितवनलाई पाएक पर्नेगरि स्थापना गरिएको मालपोत कार्यालय खैरहनीबाट आ. व. २०८०/८१ मा २२ कराेड ३ लाख ७१ हजार १८३ रुपैयाँ राजश्व सँकलन भएकाे छ ।

 कार्यालयका लेखापाल रामहरि अर्यालका अनुसार याे रकम घरजग्गा खरिदबिक्री गरेबापत सेवाग्राहीले सरकारलाई तिरेकाे राजश्व बापतकाे रकम हाे । याे रकममा पुजीगत लाभकर भने जाेडिएकाे छैन ।

कार्यलयका प्रमुख मालपोत अधिकृत शालिकराम ढकालका अनुसार यस आर्थिक वर्षमा साे कार्यालयले  १५ कराेड  पुँजीगत लाभकर सँकलन गरेकाे छ । सँकलित पुँजीगत लाभांश रकम  सबै  केन्द्रीय काेषमा जम्मा हुनेछ भने राजश्व बापत उठेकाे रकम मात्र स्थानीय र प्रदेशकाे काेषमा बाडफाँड गरिने व्यवस्था छ ।

प्रमुख मालपोत अधिकृत ढकाल अनुसार आ. व. ०८०/८१ मा राजश्व बापतकाे साे रकमलाई कानुनमा व्यवस्था भए बमोजिम उठेकाे कुल रकमकाे २ प्रतिशत भने नापी तथा मालपोत कार्यालयकाे सुदृढीकरणका लागि छुट्याइएको छ ।

कुल रकमबाट २ प्रतिशत रकम छुट्याएपछि बाँकी रहेकाे रकमलाई १०० प्रतिशत मानि स्थानीय तहलाई ६० प्रतिशत र प्रदेश सँचित काेषमा ४० प्रतिशत रकम बाँडफाँड गरिएको लेखापाल रामहरि अर्यालले बताउँनुभयाे ।

अर्यालका अनुसार स्थानीय तह मध्य खैरहनी मालपोत कार्यालय कार्यक्षेत्र भित्र पर्ने राप्ती नगरपालिकाले याे बर्ष राजश्व बाडफाँडबाट ३ कराेड ७४ लाख १८ हजार ८३६ रुपैयाँ छैसठ्ठी पैसा प्राप्त गरेकाे छ । खैरहनी नगरपालिकाले ७ कराेड १६ लाख ६४ हजार २५२ रुपैयाँ छपन्न पैसा पाएकाे छ।

यसैगरि आफ्नाे कार्यक्षेत्र भित्रपरेकाे कालिका नगरपालिकाकाे केही वडाबाटबाट उठेकाे राजश्व मध्यबाट साे नगरपालिकाले भने ७लाख १० हजार ७५९ रुपैयाँ तीस पैसा प्राप्त गरेकाे छ।

रत्ननगर नगरपालिकाले भने सवैभन्दा बढी राजश्व प्राप्त गरेकाे छ । यस नगरपालिकाले ७६ लाख ५९ हजार ४८७ रुपैयाँ १० पैसा… प्राप्त गरेकाे छ । यस नगरपालिकाकाे केही वडा मात्रै खैरहनी कार्यलयले हेर्ने गरेकाे छ ।

खैरहनी मालपोत कार्यालयले इच्छाकामना गाउँपालिकाका केही वडाकाे समेत काराेवार हेर्ने गर्दछ । यस वर्ष काे काराेबारका आधारमा इच्छाकामनाले ४ लाख ३० हजार ५७२ रुपैयाँ ८२ पैसा राजश्व बापत प्राप्त गरेकाे लेखापाल अर्यालले जानकारी दिनुभयो ।

खैरहनी कार्यालयकाे कर्मचारी दरबन्दी भने प्रमुख मालपोत अधिकृत- १, मालपोत अधिकृत – २, नायब सुब्बा -४, लेखापाल – १ र १० जना खरिदार दरबन्दी रहेकाे छ ।